Iftikhar Arif

Mere Khudaa mujhe itna to mo'atabar kar de

Mere Khudaa mujhe itanaa to mo'atabar kar de 
main jis makaan me rehtaa huun us ko ghar kar de 

ye raushanii ke ta'aqub me bhaagtaa huaa din 
jo thak gayaa hai to ab is ko mukhtasar kar de 

main zindagi ki dua maangane lagaa huun bahut 
jo ho sake to duaaon ko beasar kar de 

sitaaraa-e-seharii Duubane ko aaya hai 
zara koi mere suuraj ko baa-khabar kar de 

qabiilaa vaar kamaanen karrakane vaali hain
mere lahuu ki gavaahi mujhe nidar kar de

meri zamiin meraa aakhirii havaalaa hai 
so main rahuun na rahuun us ko baaravar kar de 

main apane khvaab se kat kar jiyuun to mera Khudaa 
ujaar de meri mitti ko dar-ba-dar kar de