Jaun Eliya

Khaamoshii kah rahi hai kaan me kya

Khaamoshii kah rahi hai kaan me kya 
aa rahaa hai mere gumaan me kya 

ab mujhe koi tokataa bhi nahin 
yahi hota hai khaandaan me kya 

bolate kyon nahin mere haq me 
aabale par gaye zubaan me kya 

meri har baat be-asar hi rahi 
nuqs hai kuchh mere bayaan me kya 

vo mile to ye puuchhanaa hai mujhe 
ab bhi huun main teri amaan me kya 

shaam hii se dukaan-e-diid hai band 
nahin nukasaan tak dukaan me kya 

yuun jo taktaa hai aasmaan ko tuu 
koi rehtaa hai aasmaan me kya 

ye mujhe chain kyuun nahin pa.Dtaa 
ik hi shakhs tha jahaan me kya