Nasir Kazmi

Dil dhadakane ka sabab yaad aaya

Dil dhadakane kaa sabab yaad aaya
vo teri yaad thi ab yaad aaya

aaj mushkil tha sambhlna ae dost
tuu musiibat men ajab yaad aaya

din guzaaraa tha badi mushkil se...
phir tera vaadaa-e-shab yaad aaya

teraa bhuulaa huaa paimaan-e-vafaa
mar rahenge agar ab yaad aaya

phir kai log nazar se guzare
phir koi shahar-e-tarab yaad aaya
haal-e-dil ham bhi sunaate lekin
jab vo rukhsat hue tab yaad aaya

baiTh kar saaya-e-gul men 'Nasir'
ham bahut roye vo jab yaad aaya