Momin Khan Momin

Asar us ko zaraa nahin hota 

asar usako zaraa nahin hotaa
ra.nj raahat fazaa nahin hotaa
 
tum hamaare kisi tarah na hue
varanaa duniyaa me kyaa nahin hota
 
naarasaaii se dam ruke to ruke
main kisi se khafaa nahin hota
 
tum mere paas hote ho goyaa
jab koi duusaraa nahin hotaa
 
haal-e-dil yaar ko likhuu kyon kar
haath dil se judaa nahin hota
 
kyon sune arz-e-muztarib ae ‘Momin’
sanam aakhir Khudaa nahin hotaa